Cardo 全力支持ViuTV節目《勁騎26》製作

ViuTV節目《勁騎26》上星期五已播出最後一集，車壇對節目嘅反應非常熱烈。CLS Garage爲大家準備咗製作嘅幕後花絮，同大家一齊回味節目嘅精彩內容。

一個電視節目，幕後製作其實有好多挑戰。例如，節目中經常見到嘉賓一路揸車一路對談。但其實揸電單車風噪不斷，要清晰對話都唔係咁容易。

爲咗節目拍攝順利進行，Cardo嘅香港代理CLS Garage全力支持今次拍攝嘅製作，為製作組提供Cardo頭盔耳機，令嘉賓同製作團隊係任何時候都可以保持清晰嘅通訊。

每次拍攝嘉賓、導演、攝影師連埋其他製作團隊，人數隨時十幾人。

拍攝選用Cardo Packtalk Bold及 Packtalk Black耳機。

Cardo嘅DMC技術一次過可以配對15人，團體對講距離最遠8公里。比起傳統藍牙技術，DMC配對過程簡單好多，一次過就可以配對所有耳機，唔洗逐個逐個耳機配對，節省好多時間，對拍攝非常重要。

https://youtu.be/ToXI9ONSOzw

而且， DMC採用網狀網路嘅連接方式，每部主機都會不停尋找附近最近嘅主機自動連線。就算嘉賓、攝影師不停走位調位，耳機依然會形成穩固嘅連線網路，唔會斷線。

爲咗畫面好睇，好多時嘉賓都會帶開面頭盔。節目中車種亦好多，未必架架車有風擋。喺風噪、引擎聲嘅夾擊下，就要依靠Cardo嘅降噪表現。Cardo 嘅Hybrid Boom Mic專為開面頭盔而設，支咪向車頭嘅一面完全唔收音，而向嘴嘅一面就負責收錄人聲，因此即使強風迎面而來，Cardo依然能夠隔絕風噪，清晰收錄對話內容。

再加埋Cardo嘅Intelligent Noise Block功能，只有喺有人講野嘅時候先會收音，無人講嘢就自動靜音，咁就唔會全程都喺耳機聽到其他人嘅風聲引擎聲，揸車可以更加專注。

除咗噪音問題，點樣同製作團隊保持溝通都好重要。藍白色嘅Cardo Headphone本身係為賽車場而設，方便教練唔洗帶頭盔都可以同車手保持溝通。

今次拍攝 Cardo Headphone尤其重要，因為導演想嘉賓講啲乜嘢內容、攝影師想嘉賓走去邊個位置……等等，製作團隊都靠晒Cardo Headphone嚟同嘉賓保持溝通。

有時候，拍攝亦唔一定咁順利。點估到拍攝途中，會突然落起滂沱大雨？

嘉賓、場地、製作團隊全部約晒時間，當然不能夠隨便改期。好在Cardo耳機全線具備相當於IP67嘅防塵防水規格，大雨下亦如常運作，不影響拍攝進度。

節目上嘅幾秒鐘，有時幕後可能夾足全日！以特技表演為例，爲咗幾個嘉賓按次序以特技出場，幕後其實要排練好耐。

https://youtu.be/n84cuwS3mjM

點解玩Stunt都要Cardo？因為演出途中車手要互相配合先可以完成整個表演。上面條影片就示範咗用Cardo對話，同埋冇咗Cardo只聽環境聲嘅分別。

最後，多謝ViuTV、Alton同埋各嘉賓嘅傾力演出，為香港車壇帶嚟一個咁精彩嘅電視節目！希望《勁騎26》開拍第二季，見到更多電單車界熟悉嘅面孔！

Cardo Headphone

Cardo 產品系列

可點擊放大圖片觀看

Cardo最新旗艦耳機 Packtalk Edge